"La Tertulia Malory, de L’Entregu, escoyó como meyor llibru n’asturianu de tolos editaos nel 2012 la novela gráfica La Chelita, del dibuxante Ruma Barbero. El xuráu tuvo formáu polos escritores Xulio Arbesú, José Luis Rendueles, Pablo Rodríguez Medina, Solinca Turbón, David Fernán, Roberto Corte, Chechu García y Henrique G. Facuriella, que fallaron el premiu nun actu celebráu na tertulia’l 1 de Payares de 2013. El xuráu destacó nel acta del fallu “el dominiu de tolos recursos del llinguaxe del cómic. Un ritmu narrativu áxil y rellumante a les órdenes d’un guión perfechu col que conquista l’alma del llector”.
Podéis lleelo entero equí: http://www.biblioasturias.com/la-tertulia-malory-escueye-la-chelita-de-ruma-barbero-como-meyor-llibru-nasturianu-del-2012/
