PRESENTACIONES PA MAYU

Más presentaciones de "La Chelita"

-El 2 de mayu a les 20.00 h. na "Feria del llibru y discu n'asturianu"
-El 11 de mayu a les 20.00 h. nel "Albergue Rural de Taramundi"

Una feria institucional y un centru de cultura popular nel occidente.
Animáivos.

GIZZMO CÓMIC EN MIERES

-El sábadu 13 d'abril, tuve de presentación cola xente de la llibrería "Gizzmo Cómics" de Mieres. Una charra mui prestosa, unes firmuques y de xuru l'entamu d'una bona amistá.

José Ángel Gayol, Ruma Barbero y Alfonso Pombo.

Alfonso Pombo faló de les sos esperiencies en Guatemala.

Agua y bombones. El cómic ye un mundu sanu.

Dedicatoria con una neña salvadoreña saltando a la comba.

Otru clásicu de les dedicatories de "La Chelita", guanaco vigulineru.

ESTI SÁBADU EN MIERES

EL FORNELLO "PORCÍA"

-La primer vegada que tuve en Porcía (conceyu d'El Franco) foi a la fin de los años 80 na "Noite Celta", que sigue faciéndose dende hai 30 años el caberu sábadu d'agostu.

Dende esa fecha, vuelvo ellí tolos años que se m'arregla. Los primeros años díbemos nel Alsa, un llargu viaxe de casi cuatro hores dende Xixón, qu'anguaño faise n'hora y media de coche y dormíemos col sacu na carbayera qu'arrodia'l práu de la fiesta. Col tiempu, volví como músicu con "Felpeyu", seique ocho veces y otru par d'elles con "Los Ciquitrinos". Tamién col tiempu fui faciendo bones amistades nel conceyu d'El Franco y nel conceyu vecín de Tapia. Tamién Charo Borreguero tien perbones alcordances y amistades del añu que tuvo de profesora nel institutu d'A Veiga.

Asina que cuando la nuestra collacia Graciela nos propunxo facer una presentación n'El Fornello, (chigre y centru cultural de referencia na zona), perbien rexentáu por Bárbara Suárez, nun lo duldamos nin un momentu. Graciela y Nana, preparáronnos un escenariu propiu d'una casa cultura, con proyector, pantalla y megafonía.

Perellí pasaron munches de les persones qu'activen social y culturalmente la zona, Pepe'l del Polo (de la Noite Celta de Porcía), Iván de Cazarón (del Parque Histórico del Navia), xente de la plataforma "Oro No", artesanos, actores, profesores, ganaderos, agricultores...

Sedría llargo de nomar a tola xente que tuvo ellí.

Sabíemos que Porcía nun diba fallanos y nun nos falló.

Gracies fonderes a tolos qu'ellí tuvistis por acoyenos otra vegada como en casa.

Déxovos equí unes semeyes del collaciu Germán Yanes, pa ilustrar esos bonos momentos.

Dedicando llibros n'El Fornello, Porcía © Germán Yanes

Dedicando llibros n'El Fornello, Porcía © Germán Yanes

Ruma y Charo n'El Fornello, Porcía © Germán Yanes

PRESENTACIONES XINERU Y FEBRERU

Vamos siguir dando charres pa la xente que-y apeteza saber daqué del procesu creativu de "La Chelita". El miércoles 30 de xineru n'Uviéu, el 2 de febreru n'El Franco, el 7 de febreru en Llanes y el 16 de febreru en FNAC.

FIRMANDO NEL TRISQUEL

Unes semeyes que me sacó Miguel Rodríguez el pasáu 18 d'avientu firmando llibros en Café Trisquel de Xixón.

VERMÚ EN "LA VAINA"

Hoi fui a "La Vaina" a tomar el vermú y acabé dedicando llibros. Un placer.